مصير وزارة السياحة والآثار في التعديل الوزاري الجديد (فيديو)
واضح كده أن الأمور في وزارة السياحة والآثار شبه محسومه خصوصا بعد الاخبار اللي بتأكد قرب اعلان التشكيل الجديدة للحكومة واللي هيكون برئاسة الدكتور مصطفى مدبولي.
في كلام كتير منتشر داخل الوزارة بياكد أن الوزير الحالي شريف فتحي خارج التعديل الوزاري الجديد، وان الوزير اللي جاي هيكون وجه جديد .
الحقيقة حتي الآن أن كل الامور جوا الوزارة زي ما هيا، الوزير شريف فتحي بيمارس عمله بشكل طبيعي خصوصا أن التعديل الوزاري الجديد في تكتم شديد جدا عليه.
العاملين في الوزارة خصوصا قطاع الآثار نفسهم في وزير منهم يكون عارف مشاكلهم خصوصا الماليات لأنهم شايفين أن مرتباتهم أقل بكتير من أماكن تانية كتيرة وده الكلام اللي قاله أكثر من مرة الدكتور زاهي حواس عالم المصريات ووزير الاثار الاسبق، واللي طالب بتحسين رواتب العاملين بقطاع الآثار لانه شايف أنه مينفعش موظف يحمي ورث آثار ميقدرش بثمن يكون مرتبه هزيل جدا .
