إختفاء قطع أثرية جديدة من المتحف اليوناني الروماني (فيديو)
الفترة الأخيرة وزارة السياحة والآثار كانت شديدة جدا في التعامل مع أي بيانات أو اخبار بتنتقد الوزير أو حتي أداء الوزارة، وده اللي خلي شريف فتحي وزير السياحة والآثار يكون حازم جدا في التعامل مع الإعلام .
المبدأ الجديد اللي وزارة السياحة والآثار شغالة بيه حاليا هو أنها تفضل ساكته لو الأزمة عدت علي خير يبقي خلاص لو الأمور خرجت عن السيطرة يطلع بيان، وده اللي حصل في واقعة سرقة أسورة ذهبية نادرة من المتحف المصري بالتحرير وسرقة لوحة أثرية نادرة من مقبرة في سقارة والواقعتين حاليا في تحقيقات النيابة العامة .
وزارة السياحة والآثار لما حبت تخلص من وجع الدماغ ده، والمشاكل اللي سببها لهم الإعلام، وبدل ما تشوف اية القصور اللي عندها وتعالجه، لا عملت محضر في الصحفي اللي اتكلم عن السرقة، والوزير بعدها طلع وقال أنا مالي ده المعاون بتاعي هو اللي عمل البلاغ .
الغريب أن بعد الصحفي اللي نشر واقعتي سرقة الأسورة واللوحة الأثرية خرج بكفالة مالية، نشر موضوع جديد عن تكسير واختفاء قطع أثرية من المتحف اليوناني الروماني بالإسكندرية والغريب أن الوزارة لا نفت ولا أكدت، وهنا بقي في سؤال هلا فعلا في قطع أثرية أختفت من المتحف ولا أختفت راحت فين .
