تبدأ بـ5 جنيهات.. 37 حديقة ومنطقة ترفيهية بالقاهرة الكبرى يوم شم النسيم
تتنوع استعدادات شم النسيم لعام 2026 في مصر بين التجهيزات الحكومية المكثفة والطقوس العائلية التقليدية، حيث رفعت محافظات القاهرة الكبرى درجة الاستعداد القصوى لتوفير الخدمات والحدائق العامة لضمان أمان وراحة المواطنين خلال الاحتفالات.
ويرصد موقع "جو إيجيبيا" نحو 37 حديقة ومنطقة ترفيهية داخل القاهرة استعدادا لاستقبال الزائرين خلال أعياد الربيع، وهتوصلهم بالمترو، والتذاكر تبدأ من أول 5 جنيه حتى أكوا بارك بـ100 جنيه، وفقاً للأسعار المحدثة لعام 2026.
1- حديقة الأسماك بالزمالك، التذكرة بـ5 جنيهات، ومتاح الدخول بالأكل، حيث تغلق الحديقة أبوابها في تمام الساعة 5 مساءً.
مواصلاتها بالمترو: محطة صفاء حجازى بعدها اتمشى ربع ساعة أو تاكسى هيوصلك للبوابة.
2- حديقة ابن سندر في الزيتون التذكرة بـ5 جنيهات متاح الدخول بالأكل
مواصلاتها بالمترو: محطة حمامات القبة وهتتمشى دقايق هتوصلها.
3- حديقة سكة الوايلي بميدان الحدايق التذكرة بـ 5 جنيهات، ومتاح الدخول بالأكل.
مواصلاتها بالمترو: محطة كوبري القبة ودقايق مشي هتوصل لها.
4- منتزه الطاهرة، التذكرة بـ5 جنيهات، غير متاح الأكل.
مواصلاتها بالمترو: محطة سراي القبة، دقايق بسيطة مشي هتوصلها.
5- منتزه عابدين التذكرة بـ5 جنيهات، متاح الدخول بالأكل.
مواصلاتها بالمترو: محطة محمد نجيب ودقايق مشي هتبقى عندها.
6- حديقة النافورة في روكسي التذكرة بـ5 جنيهات، وأغلبها كافيهات ومتاح الدخول بالأكل.
مواصلاتها بالمترو: محطة سراي القبة بعدها ميكروباص روكسي.
7- حديقة أغاخان بالمظلات التذكرة بـ️10 جنيهات، ومتاح الدخول بالأكل
مواصلاتها بالمترو: محطة المظلات، بعدها دقايق مشي.
8- حديقة نيل المعادي في طرة التذكرة بـ10 جنيهات، متاح الدخول بالأكل
مواصلاتها بالمترو: محطة كوتسيكا ربع ساعة مشي أو توك توك .
9- الحديقة اليابانية في حلوان التذكرة بـ10 جنيهات، ومتاح الدخول بالأكل
مواصلاتها بالمترو: محطة حلوان ودقايق مشي.
10 - متحف جاير اندرسون بالسيدة زينب التذكرة بـ10 جنيهات
مواصلاتها بالمترو: محطة مترو السيدة زينب بعدها توك توك.
11- حديقة الكابرتاج في حلوان التذكرة بـ15 جنيه، غير متاح الدخول بالأكل
مواصلاتها بالمترو: محطة حلوان ودقايق مشى أو توكتوك وفى الايام العادية التذكرة بـ10 جنيهات.
12- الحديقة الدولية بمدينة نصر التذكرة بـ20 جنيه، متاح الدخول بالأكل
مواصلاتها بالمترو: محطة أرض المعارض بعدها ميكروباص عباس العقاد.
13- حديقة الحرية في الزمالك التذكرة بـ20 جنيه، ومتاح الدخول بالأكل
مواصلاتها بالمترو: محطة الأوبرا.
14- حديقة العبور في الزمالك التذكرة بـ️20 جنيه، ومتاح الدخول بالأكل، أشبه بكافتيريا على النيل
مواصلاتها بالمترو: محطة صفاء حجازي بعدها اتمشى ربع ساعة أو تاكسي هتوصلك للبوابة.
15- حديقة الطفل في مدينة نصر التذكرة بـ20 جنيه، متاح الدخول بالأكل
مواصلاتها بالمترو: محطة أرض المعارض بعدها ميكروباص مكرم عبيد.
16- استراحة فاروق في حلوان التذكرة بـ20 جنيه.
مواصلاتها بالمترو: محطة حلوان بعدها ميكروباص ركن فاروق.
17- معرض الزهور في المتحف الزراعة بالدقي التذكرة بـ20 جنيه للمصريين والأجانب 150 جنيه
مواصلاتها بالمترو: محطة الدقي وبعدها دقايق مشي.
18- متحف الطفل بالقناطر التذكرة بـ20 جنيه و15 جنيه متحف الأوهام
مواصلاتها بالمترو: محطة المظلات بعدها ميكروباص القناطر وبعدها توك توك.
19-(7 مزارات بشارع المعز) بتذكرة واحدة بـ20 جنيه من 9 صباحًا حتى 5 مساءً.
مواصلاتها بالمترو: محطة العتبة بعدها سوزوكي الحسين ثم النزل للغورية والتحرك للناحية التانية ودقائق وتصل.
20- قصر الأمير محمد على توفيق بالمنيل التذكرة بـ20 جنيه والطلاب بـ10 جنيه وكله بالفيزا.
مواصلاتها بالمترو: محطة مترو السيدة زينب وبعدها هتتمشي 5 دقايق وهتبقى هناك.
21- نادي الري بالزمالك التذكرة بـ30 جنيه، مش مسموح الدخول بالأكل
مواصلاتها بالمترو: صفاء حجازي وبعدها مشي 10 دقائق.
22- ممشى أهل مصر على كورنيش النيل التذكرة بـ30 جنيه، مش مسموح دخول الأكل.
مواصلاتها بالمترو: محطة مترو ماسبيرو وبعدها مشي 5 دقائق.
23- حديقة عفلة بالقناطر التذكرة بـ40 جنيه، متاح الدخول بالأكل
مواصلاتها بالمترو: محطة المظلات بعدها ميكروباص القناطر.
24- ممشى أهل الزمالك التذكرة بـ40 جنيه.
مواصلاتها بالمترو: محطة الأوبرا وبعدها تمشية بسيطة.
25- حديقة سفاري بارك في إمبابة التذكرة بـ40 جنيه، مسموح الدخول بالأكل.
مواصلاتها بالمترو: الكيت كات ثم ميكروباص الدائري هتنزل أمامها.
26- مركز الطفل للحضارة والإبداع بمصر الجديدة التذكرة بـ50 جنيه، ومسموح بالأكل
مواصلاتها بالمترو: محطة هارون دقايق مشي.
27- محمية وادي دجلة بالمعادي، والتذكرة بـ50 جنيه، ومسموح بالأكل
مواصلاتها بالمترو: طرة البلد (ثم أوبر أو تاكسي).
28- أهرامات الجيزة التذكرة بـ60 جنيه للمصريين.
مواصلاتها بالمترو: محطة الجيزة بعدها ميكروباص من موقف نصر الدين.
29- حديقة الأزهر، التذكرة بـ80 جنيه والأطفال بـ50 جنيه، مسموح الدخول بالأكل
مواصلاتها بالمترو: محطة العتبة وبعدها سوزوكي هيوصلك.
30- الكياك في الزمالك، والتذكرة️ 100 جنيه للمصريين
مواصلاتها بالمترو: محطة صفاء حجازي ومشي 10 دقائق.
31- أرخص أكوا بارك في مصر.. ستار ووتر في كرداسة بـ100 جنيه والأطفال بـ70 جنيه، ومتاح الدخول بالأكل
مواصلاتها بالمترو: محطة مترو جامعة القاهرة ثم ميكروباص كرداسة وبعدها توكتوك هينزلك أمامها.
32- رحلة الأتوبيس النهري إلى القناطر التذكرة بـ 120 جنيه، متاح الذهاب بالأكل.. لو اكتمل 70 فرد.
مواصلاتها بالمترو: محطة مترو الخلفاوى وهتتمشى لحد مرسى الهابي لاند للأتوبيس النهري.
33- برج القاهرة بالزمالك التذكرة بـ150 جنيه
مواصلاتها بالمترو: محطة الأوبرا بعدها دقايق مشي.
34- المتحف المصرى الكبير، الحجز أونلاين ولو ناوي تروح احجز الآن، وغير متاح بالأكل.
مواصلاتها بالمترو: محطة الجيزة بعدها ميكروباص من موقف نصر الدين.
35- نايل أكوا بارك في البدراشين الكبار بـ300 جنيه والأطفال بـ 230 جنيه، ويشمل فطار وغداء
مواصلاتها بالمترو: محطة المنيب بعدها ميكروباص البدراشين هتبقى هناك.
36- متحف الخزف الإسلامي بالزمالك والتذكرة مجانًا.
مواصلاتها بالمترو: محطة صفاء حجازي بعدها اتمشى لشارع الشيخ المرصفي.
37- أوبن إير مول في مدينتي، خروجة تكلفتها مواصلاتك بس ومتاح الأكل وفي العيد كابلز وعائلات.
مواصلاتها بالمترو: محطة سراى القبة بعدها أتوبيس مدينتي.
