أرخص فوتوسيشن في مصر بقصر البارون: جلسة تصوير أوروبية على أرض مصر (فيديو)

لو نفسك تعمل فوتوسيشن شكله تحفة من غير ما تدفع مبالغ ضخمة، فقصر البارون في مصر الجديدة هو واحد من أرخص وأجمل الأماكن اللي ممكن تختارها. 

القصر فتح أبوابه قدام الزوار اللي عايزين يعملوا جلسات تصوير شخصية، خطوبة، أو حتى صور فنية، وكل ده وسط ديكور معماري مليان تفاصيل أوروبية فريدة.

أرخص فوتوسيشن في مصر بقصر البارون 

التصريح الشخصي للتصوير جوه القصر أو في الجنينة بيبدأ من حوالي 100 جنيه للساعة بس، وده يعتبر أقل سعر لفوتوسيشن داخل موقع أثري أو تاريخي في القاهرة. 

كمان تقدر تختار ما بين التصوير داخل القاعات الداخلية اللي مليانة نقوش وزخارف هندسية هندية الطابع، أو في مساحة الجنينة الواسعة اللي بتدي خلفيات طبيعية وكلاسيكية في نفس الوقت.

قصر البارون مش بس منظر معماري مبهر، ده كمان مساحة ممتازة لأي حد عايز يوثق لحظته بشكل مختلف.. الإضاءة الطبيعية، السلالم الواسعة، الشبابيك الطويلة، البلكونات، وتفاصيل الواجهات كلها بتدي صور كأنها طالعة من فيلم أوروبي قديم. عشان كده القصر بقى الوجهة المفضلة للمصورين، وللكابلز اللي بيجهزوا لجلسة خطوبة بسيطة بس شكلها فاخر.

ولو ناوي تعمل فوتوسيشن احترافي، ممكن تحجز مساحة معينة داخل القصر بتصريح منفصل بأسعار برضه في المتناول مقارنة بأي قصر أو فندق راقي في القاهرة. 

كل اللي عليك تعمله إنك تروح بدري، وتكلم الموظفين في شباك التذاكر، وهتاخد التصريح في نفس اليوم بسهولة.

قصر البارون اختيار مثالي لأي حد عايز صور بنفس روح أوروبا من غير ما يسافر… مكان جمالي، سعر رمزي، وخلفيات بتخطف العين في كل لقطة