بـ5 جنيهات.. فسحة بسيطة في 6 حدائق خلال أيام عيد الأضحى
توجد العديد من الحدائق والمتنزهات المميزة في القاهرة التي يبلغ سعر تذكرة دخولها 5 جنيهات فقط، وتُعد خياراً اقتصادياً مثالياً للعائلات والأصدقاء للاستمتاع بالمساحات الخضراء المفتوحة وتناول الأطعمة.
وتستطيع الخروج خلال أيام عيد الأضحى، بأقل تكلفة وبعضها مسموح الدخول فيها بالأكل، يعني خروجة بسيطة وسعرها حنين على أي حد.
ويمكن الوصول إلى هذه الحدائق بسهولة من خلال المترو، وهتلاقي فيهم أماكن خضرة وهواء نضيف، تقعد براحتك أو تتمشى، أو تاخد صور حلوة، وتقضي يوم مختلف من غير ما تصرف كتير.
ويرصد موقع "جو إيجيبيا" هذه الحدائق على النحو التالي:
1ـ حديقة ابن سندر بالزيتون:
- سعر التذكرة بـ5 جنيهات، ومتاح الدخول بالأكل
- مواصلاتها بالمترو: محطة حمامات القبة وهتتمشى دقايق هتوصلها
2ـ منتزه عابدين:
- سعر التذكرة بـ 5 جنيهات، ومتاح الدخول بالأكل
- مواصلاتها بالمترو: محطة محمد نجيب ودقايق مشى هتبقى عندها
3- حديقة سكة الوايلي بميدان الحدائق:
- سعر التذكرة بـ 5 جنيهات، ومتاح الدخول بالأكل
- مواصلاتها بالمترو: محطة كوبري القبة ودقايق مشى هتوصل لها
4ـ حديقة الأسماك بالزمالك:
- سعر التذكرة بـ 5 جنيهات، ومتاح الدخول بالأكل وتغلق أبوابها الساعة 5 مساءً
- مواصلاتها بالمترو: محطة صفاء حجازي بعدها اتمشى ربع ساعة أو تاكسى هيوصلك للبوابة
5- حديقة النافورة بروكسي:
- سعر التذكرة 5 جنيهات، و أغلبها كافيهات ومتاح الدخول بالأكل
- مواصلاتها بالمترو: محطة سراي القبة بعدها ميكروباص روكسي
6- منتزه الطاهرة:
- التذكرة بـ 5 جنيهات، وغير متاح الأكل
- مواصلاتها بالمترو: محطة سراي القبة، ودقائق بسيطة مشى هتوصلها
