هل تمنع وزارة السياحة والآثار الصعايدة من دخول المتاحف؟... الآثار توضح
ضجة كبيرة موجودة حاليا علي مواقع التواصل الاجتماعي بعد الانتقاد الكبير اللي شنته الإعلامية سمر فؤدة علي الصورة اللي انتشرت في المواقع الإخبارية لعم رشاد الراجل البسيط اللي كان وأخذ مراته في فسحه علشان يزوروا قاعات المتحف المصري الكبير، زي اي راجل ومراته خارجين يتفرجوا ويتبسطوا في مكان عام .
صورة عم رشاد داخل المتحف المصري الكبير
الإعلامية سمر فؤدة كتب تويته لها علي فيس بوك وقالت "الشكل ده ما يمثلش هوية مصر والجلابية دي وهابية مش مصرية، احنا كنا ناس شيك قبل المد الوهابي اللي دخل مصر في السبعينات علي ايد الشعراوي والإخوان .. دي مش صورة مصر اللي عايزينها تلف العالم".
تدوينه الإعلامية سمر فؤدة قلبت الدنيا والناس عملوا حملات علي مواقع التواصل الاجتماعي وكل نزل صورته بالجلابية، وبقي في هجوم كبير جدا علي الإعلامية الشهرية واللي لقت نفسها في دائرة صعبة جدا، فاضطرت أنها تعتذر عن الكلام اللي كتبته، خصوصا أن الناس شافت أن كلامها فيه انتقاص للزي الصعيدي الأصيل، وأكدوا أن الجلابية رمز للهوية المصرية مش اقل أصالة من أي زي تاني .
تفاعل نشطاء مواقع التواصل الاجتماعي مع صورة عم رشاد
الإعلامية سمر فؤدة سمحت البوسط اللي كتبه عن عمر رشاد ومراته اعتذرت لهم وقالت إن أهلها فلاحين وهيا فخورة بده، وشرف عظيم أن أصولها من الفلاحين.
الضجة الكبيرة اللي بقت موجودة علي مواقع التواصل الاجتماعي متوقفتش علي كده، لا ده في عدد كبير من شباب محافظة الأقصر قرروا أنهم يعملوا كرنفال شعبي، ودشنوا مبادرة تحت عنوان هنزور معبد الأقصر بالجلابية، وأعلنوا انهم هيتجمعوا في ساحة ابو الحجاج يوم الجمعة اللي جاية وهينطلقوا في جولة سياحية بالمعبد، وكمان في عدد كبير من المشاهير ورجال السياسة والإعلام أعلنوا انضمامهم للمبادرة علشان نشوف صورة جماعية من معبد الأقصر لزوار كلهم لابسين جلاليب صعيدي في مشهد هتشوفه لاول مرة لما كل زوار المعبد يكونوا لابسين جلاليب صعيدي، وده هيكون اكبر رد علي الهوية المصرية والاعتزاز بالجلابية.
الضجة الكبيرة اللي حصلت علي مواقع التواصل الاجتماعي انتقلت لوزارة السياحة والآثار خصوصا أن الأزمة كانت في موقع أثري مهم وهو المتحف المصري الكبير، وهل الوزارة بتفكر أنها تمنع أي حد لابس جلابيه أنه يدخل المناطق الأثرية والمتاحف .
السؤال ده جاوب عليه الدكتور أحمد غنيم، الرئيس التنفيذي للمتحف المصري الكبير، واللي كشف حقيقة الاخبار المتداولة عن منح اي حد لابس جلابيه أنه يدخل المتحف المصري الكبير وقال إن الكلام ده مهلوش اي اساس من الصحة .
رئيس هيئة المتحف المصري الكبير كمل كتبها وقال إدارة المتحف المصري الكبير بترحبب بكل الزوار مع كل محافظات الجمهورية بدون اي تمييز في الزي طالما لائق وبيحترم المكان الأثري، والحالات اللي بيتم إيقافها أو منعها من الدخول بتكون للناس اللي لابسين ملابس غير مناسبة لطبيعة المتحف كموقع ثقافي وسياحي عالمي.
