لو أنت منهم.. شوف وجبات المرضي علي رحلات مصر للطيران (فيديو)

لو أنت من عشاق السفر، وبيكون عندك فضول تعرف أنواع الأكلات اللي بتقدمها شركات الطيران للمسافرين في الرحلات فدلوقتي هقولك علي التفصيلة الكاملة لخريطة الوجبات علي طائرات مصر للطيران.

الشركة الوطنية وعلي موقعها الرسمي أعلنت عن قائمة الواجبات علي رحلاتها واللي بتكون مجهزة وفقا لطبيعية كل مسافر، يعني مثلا مرضي السكري بتكون لهم وجبات مفيهاش سكر، وكما في وجبات خالية من اللحوم البقري ومنتجاتها، ودي بتكون عبارة عن فراخ وأسماك أو ماكولات بحرية.

شركة مصر للطيران بتقدم كمان وجبات قليلة جدا في الدهون والملح، ودي بتكون خاصة بأخواتنا مرضي القلب أو الناس اللي عندها ارتفاع ضغط الدم.
 

اما الأطفال والرضع تحت سن العامين، فالشركة بتقدم لها وجبات لينة وسهلة المضغ، ده غير أن الشركة بتقدم وجبات خاصة باخواتنا مرضي الحساسية علشان تحافظ علي صحتهم وقت الرحلات .